Hlíðin með sprænum og fjöllum

Jæja, þá er maður bara að fara að leggja íann!

Ég verð í eina viku í Hlíðinni að kokka ofaní tæplega 100 stúlkukindur og starfsfólk. 

Skil heimilið eftir í rjúkandi rúst, börnin mín hágrátandi og maðurinn nagar neglurnar í kvíðakasti. Ekkert búin að elda ofaní frystikistuna...

..... Eða ekki. Þeir eru vanir kallarnir að mamman stingi þá af í eina viku og eldi ofaní algjörlega ókunnug börn á meðan þeir éta það sem úti frýs.

En þetta er alveg ótrúlega skemmtilegt, ein vika, dýrðarinnar dásemd. Og vonandi helst veðrið bara áfram svona fínt eins og það hefur verið undanfarið.

Sí jú leiter gæs 

Athugasemdir

[Rósa Aðalsteinsdóttir, 26.6.2008 kl. 22:22]

Sæl og blessuð.

Hvar er þetta stúlknaheimili? Mikið vildi ég fá eitthvað af þessu góða veðri sem þú talar um. Hér er svalt og þegar ég kom frá Reykjavík og leit út um gluggann daginn eftir var grátt í fjöllunum alveg niður að sveitabæjunum hér hinumegin við fjörðinn. Ennþá er nýfallinn snjór efst í fjöllunum. Ekki beint upplífgandi og það er að koma júlí.

Vona að þú eigir góða viku með stelpunum.

Guð veri með ykkur

Kær kveðja/Rósa

[Tiger, 27.6.2008 kl. 02:50]

Æi, jamm  - það er yndislegt að komast svona "burt" úr norminu af og til. Jafnvel þó það sé í vinnu - þá er tilbreytingin alltaf góð. Vona að þú njótir þín bara þrátt fyrir heilmikla vinnu. Eigðu ljúfa helgi framundan ...

[www.zordis.com, 27.6.2008 kl. 08:31]

Njóttu tímans því það verður dásemd að koma heim á ný!  Er ekki bara burger king og hrói höttur tilvalið fyrir eldabuskann á heimlinu í fjarverunni.

Góða helgi.

[Halldóra Lára Ásgeirsdóttir, 28.6.2008 kl. 15:20]

Svala mín!

Eigðu góðan tíma í Vindáshlíðinni!

Blessun og friður þér til handa.

 Kveðja Dóra. 

[Guðrún Sæmundsdóttir, 3.7.2008 kl. 19:36]

Þetta verður frábært fyrir þig Svala! Ég vildi að ég gæti unnið á sumarbúðunum en því miður leyfir heilsan það ekki. En njóttu vel

[Ásthildur Cesil Þórðardóttir, 7.7.2008 kl. 20:57]

Frábært framtak hjá þér Svala mín og örugglega gefandi.  Knús á þig