Æi... gat skeð

Til hvers í ósköpunum að vera að drekka vín með barn á brjósti. Er ekki hægt að bíða með það í nokkra mánuði að fá sér vín? þarf alltaf að vera að troða því allstaðar inn??

Í lagi að drekka vín með barn á brjósti

Sjálfhreinsibúnaður

Eitthvað svipað og sjálfslökkvibúnaðurinn sem ég lét í sjónvarpið. Vildi óska að tölvan hefði svona sjálfhreinsibúnað. Þegar allt of mikið af rusli og dánlóti er búið að safnast saman í einni  tölvu gefst hún upp...  ég hef ekki komist á netið í nokkra daga. Fjölskyldan í rusli. "þeir" hljóta að fara að finna upp eitthvað sem fer bara í gang í tölvunni þegar ruslið er orðið of mikið. Þessir "þeir" eru nú svo hrikalega klárir að það 1/2 væri nóg. Ég er nefnilega ekki eins klár í tölvuhreinsun og "þeir" ég þarf alltaf aðstoð ef tölvan er eitthvað með leiðindi.

Ég er nú samt svo heppin að ég er með rauða neyðarlínu í símann hjá einum svona "þeir" kalli. Hann kom bara alveg á handahlaupum þegar kallið kom og reddaði þessu á nóinu.

En ég er komin með leyniplan... Ég ætla að senda strákana mína í tölvugúrúaskóla svo þeir geti aðstoðað mömmu gömlu í ellinni að flikka upp á tölvugreyið, eða bara "láta" þá finna upp svona sjálfhreinsibúnað...

 

og ekki var það ég

Maður vinnur víst ekkert ef maður spilar ekki með

Fær 21 milljón í vinning

Meiri snjó meiri snjó meiri snjó

Jæja, nú eru menn sko að tala! hef ekki séð svona mikinn snjó bara síðan ég var smá krakki. Maður einhvarnvegin lyftist allur upp og gleðst í gamla barnshjartanu að fá allan þennan snjó. Þá er bara að vona að fólk hafi vit á því að vera bara heima við, vera ekkert að æða út í fannfergið og festa bíla og annað.

Enn ófært um Reynisfjall

Æ læk jú :)

http://www.scrolllock.nl/home.cfm 

Smá gleðigjafi inní nýja viku. Klikkaðu á linkinn og brostu

Yndisfagur snjórinn

Í gærkvöldi þegar ég kom af kóræfingu, var allt svo fallegt. Allir bílar með hvíta kollhúfu og drifhvít jörðin.

Ég tók mér góðan tíma að bursta af bílnum og þegar ég var búin var hann alveg jafn hvítur á fyrstu rúðunni sem ég hafði skafið. Jæja ég sest í bílinn sem var að byrja að hitna og set rúðuþurrkurnar á. 

Athygli mína vakti að þær stoppuðu yfir miðja rúðuna.... ég fór út og ýtti við þeim. Ekki nema von að þær væru þreyttar eftir mikla vinnu og erfiði út af allri bleytunni og skítnum á götunum undanfarna daga. En þær fóru ekki niður nema ég ýtti þeim alla leið. Jæja, ætli öryggin séu ekki farin, hugsaði ég og fór að leita að boxinu þar sem öryggin búa. Það gekk nú ekkert vel að finna það, en á endanum fann ég boxið en þar var ekkert auka öryggi svo ég ákvað að keyra út á næstu bensínstöð sem til allrar hamingju var mjög nálægt. 

Á bensínstöðinni var hvert einasta öryggi mælt, en ekkert var að þeim. Öll heil og heilbrigð eins og eitt öryggi getur verið.

Nú voru góð ráð dýr... eiginlega alveg rándýr.

Því tvennt var í stöðunni í þessari miklu snjókomu. Annað var að taka leigubíl alla leið frá Glæsibæ inn í Hafnarfjörð, eða biðja kallinn um að sækja mig. Ekki kom til greina að keyra heim því þá hefði ég ekkert séð út um gluggana. Það síðara varð fyrir valinu því svona rétt fyrir mánaðarmót tími ég ekki að splæsa í leigubíl.

Meðan ég beið, snjóaði án afláts. Fallegur mjúkur og hlýr snjór. Ef hægt er að kalla snjó hlýjan, það var allavega orðið hlýtt í bílnum... Alltaf öðru hvoru prufaði ég hvort þurrkurnar væru ekki bara búnar að hvíla sig og færu nú í gang. Bara fyrir mig. En það suðaði bara í þeim værðarlegt mal. Eftir tæpan hálftíma kom karlinn að sækja kerlu sína.

Þá er bara að panta tíma á bílaspítala og vona að það kosti ekki meira en einn leigubíll í Fjörðinn.

12 dagar á spítala

Jæja, það var stutt á milli systranna.

Ásta mín fékk að fara á föstudaginn, hún dó 22. febrúar eftir 12 daga spítalalegu. Mamma mín kvaddi okkur 20. desember 2007 og Ásta systir hennar 2 mánuðum seinna. Þær voru mjög nánar systur og mikið saman þar til ellin fór að segja til sín og þær fóru ekki mikið útúr húsi síðustu árin.

Bless Ásta mín og Guð geymi þig.

AMMÆLISBANN

Valurinn minn orðinn 11 ára. Fæddist 25. febrúar kl. 8:40, 15 merkur og 50 cm og er núna 11 árum seinna orðinn u.þ.b. metri stærri.

Til hamingju með daginn strákur 

Yfirlýsing um ekkert

Þetta er nú ansi þunnur þrettándi að taka ákvörðun um ekkert, ákvörðun um að taka enga ákvörðun, ákvörðun um að sitja hjá, og allir hans flokksmenn styðja þessa enga ákvörðun. Þetta er bara eins og nýju fötin keisarans.

Styður yfirlýsingu Vilhjálms

Eins gott að þeir gátu náð í hjálp

Það getur stundum verið ansi erfitt að ná símasambandi þarna

Tveir menn féllu niður um ís