Til hamingju Anna

Ég óska Önnu til hamingju með nýja starfið. Mér finnst ég pínu eiga í henni því hún var myndlistakennarinn minn í denn og einn af bestu kennurunum.

Valnefnd valdi Önnu Sigríði Pálsdóttur í starf Dómkirkjuprests

Þetta er alveg ágætt hjá löggunni

Þegar fólk er hætt að þora niður í bæ til að fá sér enn öllara eða tvo vegna hættu á að vera laminn eða limlestur með flöskum og glösum, útmiginn af annarra manna hlandi eða bara ælt yfir mann (veit ég er gunga ) þá er bara alveg kominn tími til að hrista upp í liðinu sem veður yfir allt og alla á skítugum skónum. Og eru ekki þessir götumígandi glasabrjótar þeir sömu og trompast alveg ef hundur mígur utaní staur? Veit ekki hvort hlandið er ógeðslegra, mannahland eða hundahland. Legg þetta alveg að jöfnu.  

Um 120 útköll hjá lögreglunni á höfuðborgarsvæðinu í nótt

Skemmtilegt orðalag fréttamanna

Veit ekki hvort er mikið meira ólán fyrir bílstjóra eða húseiganda.  Annars held ég að það sé ágætis pláss þarna, en svo er það fóturinn, bensínfóturinn, hann þarf að vera ansi þungur til að fara upp á gangstéttina bæði með aftur og framdekk og svo áfram niður. Vonandi hefur ökumaður ekki verið veikur sem orsakaði þetta  

Bakkaði á fjölbýlishús

Gauli gauli gaul

Jæja, þá fer kórinn að hefja vetrargaulið  Æfingar byrja í næstu viku og spennandi starf framundan.

Ég byrja að sjálfsögðu í toppformi, komin með hálsbólgu og alles.

Í dag var raddprufun og inntaka nýrra félaga. Ég sem var í 1. sópran er komin í 2. bassa og var send í karlakór.

En lífið gengur út á það að velja og hafna og nú verð ég að taka ákvörðun. Ég ætlaði að byrja í skóla í haust og mér sýnist sem svo að tímarnir skarast og ég verði að velja skólann og hafna kórnum í vetur. En sjáum hvað setur. Kannski get ég púslað þessu einhvernvegin saman.

tjá tjá 

 

Amman og dóttursonurinn

Já, ég er ekki hissa að vísindamenn skuli vera búnir að "fatta" að matvendni gæti gengið í arf.

Mamma mín er ein sú matvandasta, en leyndi því vel fyrir okkur systkynunum þegar við vorum lítil og kenndi okkur það að allur matur sem væri á borðum og væri hollur ætti að borða og í það minnsta að smakka á honum... Mamma oft bara rétt smakkaði á mat.  

Yngri sonur minn hefur erft þetta frá ömmu sinni. Er afskaplega matvandur, en smakkar þó allan mat.

Kanski liggur þetta í blóðflokkum?? Þau eru bæði í O 

Matvendni er arfgeng

Skólabúningar

Skólabúningar eru eitthvað sem mér þykir mjög þarft í bæði leikskólum og grunnskólum.

Á hverju hausti þegar skólinn byrjar sé ég hvað strákarnir mínir hafa stækkað alveg ótrúlega frá síðasta skólaári og þarf að fjárfesta í fötum til að þeir líti nú sómasamlega út, ekki með rifin hné og grasgrænu hreinlega á öllum flíkum. Við sörfum kauphallirnar og göngum búð úr búð til að finna réttu stærðirnar, litina og mynstrin. Þetta er eitthvað sem mínum drengjum þykir alveg hreint út sagt óþolandi. Sveittir og þreyttir í mátunarklefunum.

Þar sem frúin á heimilinu er heldur ekki fatafrík og á einstaklega erfitt með að tileinka sér stærðatöflur frá hinum ýmsu löndum og framleiðendum þá er þetta fremur óspennandi.

Á mínu heimili hefði skólabúningum verið tekið fagnandi bæði af foreldrum og börnum.

Nú í haust hefur Sæmundarskóli tekið upp skólabúninga og er þá í hópi með Áslandsskóla og Barnaskóla Hjallastefnunnar. Ekki veit ég hvort fleiri skólar eru með en það væri skemmtilegur leikur.  

 

Flestir vilja vera í skólabúningi

Wellwell

Jæja, þá fer skólinn að byrja hjá strákunum.

10 ára Sundkappanum mínum og skilmingameistara, kvíðir alveg hræðilega fyrir. Hann er nefnilega lesblindur og líka alveg óstjórnlega hægfara í flest öllu.  

Lesblinduna tækluðum við með Davis leiðréttingu hjá henni Guðrúnu vinkonu í Gamla Bókasafninu og er það allt á uppleið. Svo fékk hann líka gleraugu og þá batnaði það enn meir.

Mest kvíðir hann fyrir gangavörðunum (eða skólaliðum eins og þeir heita núna). Þar sem minn maður er mjög lengi að öllu þá er hann líka lengi að koma sér út í frímínútur og lengi að koma sér inn aftur. Hótanir eins og "Ef þú kemur einu sinni enn svona seint úr frímínútum, ÞÁ......" og svo fær hann ekkert að vita hvað þetta hræðilega "ÞÁ" er. Og svo fær hann líka "Ef þú ert svona svakalega lengi að koma þér út þá skrifa ég þig í bókina og ÞÁ..." og svo fær aumingja barnið ekkert að vita hvað þetta "ÞÁ" er og kemur heim alveg miður sín og uppspólaður af stressi og það hægir enn meira á honum.

Ef það væri hægt að "gera" meira í skólanum annað en að sitja og lesa, þá væri lífið allt á uppleið

Svo er það hinn 14 ára Sientific fighting gormurinn. Er á loka sprettinum í grunnskóla og hlakkar til að fara í framhaldsskóla. Eina málið er að það er úr svo mörgu að velja.

Skólinn er bara skemmtilegur og ekkert annað, þó vinirnir megi nú ekkert endilega vita af því. Síðasta vetur tók hann meðvitaða ákvörðun um að lesa ekki fyrir próf til að vera bara eins og hinir í einkunnum. 

Þessir tveir eru ólíkir eins og dagur og nótt en samt ótrúlega góðir vinir og bara góðir strákar yfir höfuð. En eitt eiga þeir sameiginlegt og það er að þeir eru mjög góðir skákmenn  

 

Mann setur hljóðan.

Mannvonskan er algjör í sinni verstu mynd. Að ræna bönum eða kaupa og selja er það sorglegasta sem ég veit um.

Velmegunarþjóðir heimsins eru að drepa sjálf sig með óhollum lifnaði og streitu og  fólk getur ekki átt börn vegna streitu og ýmissa annarra kvilla. En samfélagið segir að allir eiga að fara í pakkann: hjón/sambúð, hús, bíll, ríkur í góðri stöðu og barn. Og ef þú getur ekki eignast barn STRAX - NÚNA. Þá bara sækir þú um ættleiðingu og ef þú ert aftarlega á listanum eða ekki metinn hæfur,  kaupir þú bara það sem þig langar í - stelpu-strák.

Að ég tali nú ekki um að þegar fólk er búið að fá barnið í hendurnar þá hefur það engan tíma fyrir barnið því framinn og vinnan er nr. 1, 2 og 3  

Fólk verður að hugsa aðeins lengra því það þurfa ekki allir að vera í þessum pakka. Sumum finnst börn ekkert flott eða skemmtileg en krafan í þjóðfélaginu segir að þú átt að vera svona og svona 

Á fimmta tug barna bjargað í Gvatemala

Var það ekki bara gott

Held að stelpan litla hafi nú bara sloppið vel. Í svona tilfelli eru það bara foreldrarnir sem eru að troða barninu áfram í harðan heim skemmtanaiðnaðarins og kóa svo með henni í ,,sorginni". Ef hún vill vera á þessari braut þegar hún verður fullorðin þá hlýtur hún að geta komið sér áfram þegar þar að kemur fyrst hún er svona rosa góður söngvari

Simon Cowell sveik sex ára gamla stúlku

Heimilið veður allt í nammi!

Usss..... Það er allt vaðandi í nammi hér á þessu heimili. Einhver var að koma frá útlöndum og missti sig í nammihillunum... Og gettu hver étur mest, jú að sjálfsögðu frúin sjálf. Ég sem var búin að ákveða að hætta í þessu nammiáti. Finnst ég oft vera eins og alkahólistar, ef þetta er fyrir framan mig þá að sjálfsögðu á ég að éta það. Verð bara að taka fyrir einn dag í einu nammilausan.

Annars keypti ég mér svona kraftgöngustafi í sumar og fór í góða göngutúra... tvo! En það er ómögulegt að láta þá hanga hér frammi á snaga ónotaða svo ég ætla að skella mér í göngu á eftir.

Fór í gær til vinkonu minnar í bústað á Flúðum og sá þar þessa líka fínu bók um allskonar safa úr grænmeti og ávöxtum. Las hana eins og bestu spennusögu og langar í hana.