Súkkulaðikaka

Á morgun, 28. janúar verður stóri strákurinn minn 16 ára, og hann er svo stór að hann slagar hátt uppí 190cm. Þetta er algjör dugnaðarforkur og mamman að sjálfsögðu voða stolt af honum.

En er þá ekki bara kominn tími á uppskrift.

Heima hjá mér er þetta uppáhalds afmæliskakan:

Súkkulaðikaka:

1 1/2 bolli sykur

125 gr. smjörlíki

2 egg 

1 tsk. lyftiduft

1tsk. sódaduft

1/2 tsk. salt

2 1/2 msk. bökunarkakó

1 bolli súrmjólk

1 tsk. vanilludropar

2 1/2 bolli hveiti

Smjör og sykur þeytt létt og ljóst, síðan eggin eitt og eitt í einu, svo rest af blautum efnum. Síðast er öllum  þurrefnum bætt við og hrært mjög varlega. Bakist á ca 175°C aðeins neðar en í miðjum ofni i ca 15-20 mín.

Þetta eru 2 stórir þéttir botnar.

Krem á milli:

300 gr. flórsykur

2 mtsk. kakó

150 gr. smjörlíki

1/2 tsk.. vanilludropar

1 egg

allt þeytt vel saman, ef kremið er svakalega þykkt, þá er 1 mtsk. af sjóðandi heitu vatni bætt við.

Krem ofaná:

125 gr suðusúkkulaði

 150 gr. Flórsykur

75 gr. smjör

1 egg

Bræðið súkkulaði og smjörlíki við vægan hita.

hrærið saman egg og flórsykur og bætið svo súkkulaðismjörinu saman við og hrærið vel.

Nammmmmiiiii.......

Athugasemdir

[Sigrún Jónsdóttir, 28.1.2009 kl. 13:14]

Til hamingju með soninn  Alveg ekta dagur til að fæða börn...ljúfir vatnsberar, sem þau eru

[Ásdís Sigurðardóttir, 28.1.2009 kl. 14:42]

Til hamingju með drenginn þinn

[Arna (IP-tala skráð) 28.1.2009 kl. 23:29]

hæ hæ

til hamingju með tröllið...  þau eru yndisleg þessi janúarbörn! Kannski maður skelli í þessa uppskrift. Njótið dagsins, kv. Arna Akureyringur

[Rósa Aðalsteinsdóttir, 29.1.2009 kl. 12:31]

Sæl og blessuð

Til hamingju með strákinn.

Uppskriftin er mjög girnileg.

Vertu Guði falin

Kær kveðja/Rósa

[Solla Guðjóns, 30.1.2009 kl. 10:09]

Til hamingju með stóra stóra strákinn

Nú veit ég hvað ég baka í dag

[Svala Erlendsdóttir, 30.1.2009 kl. 13:00]

HA! Arna ætlar þú að skella í uppskrift af yndislegu barni eða köku ???? hehe, nei, ég veit þú átt ljúft janúarbarn.

 Takk allar fyrir kveðjurnar

[www.zordis.com, 2.2.2009 kl. 10:13]

Til lukku með strákinn þinn, þann 28 og alla aðra daga! Ég á lítinn 29 ára bróðir sem kom þann mæta dag í heiminn.

[Halldóra Lára Ásgeirsdóttir, 4.2.2009 kl. 21:46]

Sæl Mín kæra Svala!

Það var líka afmæli hér í janúar.Yngri sonur okkar  varð tvítugur þann 31.

Bakaði súkkulaði kökur fyrir afmælisboðið.Já það dugði ekki bara ein her fuku þrjár  af því tilefni+ allt hitt.

Annars koma hér  síðbúnar afmæliskveðjur

     Dóra.