Gleðilegt nýtt ár 2009

Þetta liðna ár hefur verið margbreytilegt á ýmsan hátt. Gleði og sorg og allt þar á milli.

Nú er komið heilt ár síðan ég byrjaði í nýrri vinnu og var það kærkomið að breyta til eftir 8 ár sem dagmamma. Það var þó erfitt að hella sér út í hringiðu desembermánaðar (2007) í nýtt starf og allt það sem þarf að læra á nýjum vettvangi, en samt skemmtilegt að takast á við.

Svo dó mamma í desember 2007. Yndislegasta kona veraldar. Ég sakna hennar oft og finnst skrítið að hún skuli vera farin þó hún hafi verið háöldruð. Hún hefði orðið 87 ára næsta sumar. Ásta frænka, systir hennar mömmu dó svo 2 mánuðum seinna.

Kvennakór Reykjavíkur hefur verið mitt líf og yndi. Svakalega skemmtilegar konur þar og öll ferðalögin sem farin voru og ég tala nú ekki um frábæra tónleika sem haldnir hafa verið. Óskaplega gaman að taka þátt í þessu starfi.

Rakel vinkona opnaði nýtt fyrirtæki og vann ég mikið hjá henni síðasta sumar meðan brjálað var að gera og fyrirtækið að festa sig í sessi.

Notaði mitt stutta sumarfrí til að njóta nágrannasveitafélaganna. Sund, tjaldferðir, Nauthólsvík...

Ekki má gleyma saumó. Þar eru sko kjarnakonur í hverju horni. Við brölluðum margt á árinu, fórum í útilegu, borðuðum góðan mat saman, hittumst á kaffihúsum, fórum í kvennaflokk í Vindáshlíð, dillibossuðumst í magadansi og svo ótalmargt fleira.

Strákarnir mínir eru alveg þeir frábærustu af öllum strákum. Skemmtilegir og duglegir. Sá eldri byrjaði í Flensborg í haust og brilleraði alveg á jólaprófunum. Sá yngri fékk líka ótrúlega flottar einkunnir núna fyrir jólin. Þeir eru með margt á prjónunum og gaman að fylgjast með sigrum þeirra og sorgum.

Þegar litið er yfir liðið ár er af mörgu að taka. Vonandi færir nýja árið okkur gleði og ánægju og góðan félagsskap.

Kærar kveðjur til allra sem lesa þetta blogg

Gleðilegt nýtt ár 2009


« Síðasta færsla | Næsta færsla »

Athugasemdir

1 Smámynd: Sigrún Jónsdóttir

Gleðilegt nýtt ár og takk fyrir ánægjuleg samskipti á liðnu ári.

Sigrún Jónsdóttir, 1.1.2009 kl. 16:43

2 Smámynd: Halldóra Lára Ásgeirsdóttir

Sæl frú Svala mín!

Gleðilegt ár og takkfyrir gömlu árin!

Guð veri með þér !

  Kveðja úr Garðabænum Dóra.

Halldóra Lára Ásgeirsdóttir, 1.1.2009 kl. 21:33

3 Smámynd: Rósa Aðalsteinsdóttir

Sæl og blessuð

Guð gefi þér og þínum Gleðilegt nýtt ár og farsælt komandi ár.

Erfitt að kveðja ástvini. Skil þig svo vel.

Vertu Guði falin

Kær kveðja/Rósa

Rósa Aðalsteinsdóttir, 1.1.2009 kl. 22:12

4 identicon

Hæ hæ Svala mín

 Ég óska þér og fjölskyldunni þinni alls hins besta á nýhöfnu ári. Megi það færa ykkur marga sigra og endalausa blessun Guðs! Vonandi hittumst við oft í saumó á þessu ári.

kær kveðja, Arna

Arna (IP-tala skráð) 1.1.2009 kl. 22:57

5 Smámynd: Ásdís Sigurðardóttir

Gleðilegt ár Svala og megirðu njót þess vel. Takk fyrir bloggvináttu

Ásdís Sigurðardóttir, 2.1.2009 kl. 19:04

6 Smámynd: Helena Leifsdóttir

Guð blessi þig dugmikla kona á nýju ári 2009 - Að vera dugmikil merkir; hugrökk,áræðin,kjörkuð og dugleg.

 Helena

Helena Leifsdóttir, 3.1.2009 kl. 00:58

7 identicon

Gledilegt ár Svala mín, og ég vona ad þú hafir þad gott.  Hittumst vonandi hressar á árinu, hver veit.

Kær kvedja, Helga Ing.

Helga (IP-tala skráð) 3.1.2009 kl. 15:51

8 Smámynd: Solla Guðjóns

Gleðilegt ár !!! Það er ávallt gaman að líta yfir farinn veg og sjá að björtu hliðarnar standa upp úr.

Solla Guðjóns, 4.1.2009 kl. 22:28

9 Smámynd: Ásthildur Cesil Þórðardóttir

Gleðilegt ár Svala mín og takk fyrir það gamla.

Ásthildur Cesil Þórðardóttir, 7.1.2009 kl. 13:10

10 Smámynd: Svala Erlendsdóttir

Elsku vinir og bloggvinir og allir aðrir, mikið rosalega er kaman að fá svona hlýjar kveðjur.

Svala Erlendsdóttir, 8.1.2009 kl. 09:56

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband